اشهر اجابات للفنانات :
ليه انتي مختفيه ؟ .. لاني باحترم جمهوري وما اقدرش اعمل اي دور والورق اللي بيتعرض عليا ما بيعجبنيش ! ...... (ولا حد بيعبرها وهي اصلا ممثلة درجة ثالثة)
تقبلي تتطلعي في دور ام ؟ .. طبعا وناس كتير قالتلي معقولة تتطلع ام وهي في السن ده ؟!! (وهي المفروض تتطلع جدة)
ايه اكتر عيب فيكي ؟ .. اني صريحة وده بيزعل ناس مني !! ....... يا ولية !
ايه اكتر حاجة بتكرهيها ؟ .. الكدب ....... طب عيني في عينك كده !
تقبلي تاخدي دور صغير ؟ .. طبعا مش مهم مساحة الدور .. المهم يكون مؤثر في الدراما ...
وفي النهاية تلاقيها طالعة صاحبة جارة البطلة!!
وطبعا لو النجمة سنها كبير شوية .. لازم تقول انها عايشه قصة حب وان شاء الله حنسمع اخبار حلوة قريب !
عايزه شوية ابداع .. تجديد وابتكار في الاجابات يا نجمات
2016-03-04, 5:55 pm
