قالوا علينا يا زمن ناس طيبين
وتعبنا والله من المحن
طول السنين
بنواسى كل اللى اتجرح ومجروحين
ولا حد فينا يوم فرح ومظلومين
القلب فيه ألف آه وأه وبنبتسم
ندي الأمل والبسمه للمجروحين تترسم
ولقمة بيننا للمحتاجين تنقسم
ودمعة تنزل من عينينا بنداريها لا نتصدم
بنخبى جرحنا فينا ومابنشتكيش
وهمنا مالى روحنا مايتحكيش
نستنا بانكسار لحظه أمل مابتجيش
ونجرى فى دنيا دايره ماتساويش
وتعدي الأيام وأدينا بنعيش
جربنا الصبر يا زمن وتعبنا فيه
صبرنا وداب الحجر وهنعمل إيه
وكتب علينا القدر الحزن ليه؟
والقلب فيه العلل جرح وكاويه
بنهرب من حياتنا وهى رحلة سفر
خايفين من الأيام ولا من القدر
مخبيلنا آلام وهموم من البشر
وروحنا هايمه تايهة زى قطرة مطر
وكل شئ مكتوب لينا منتظر
2010-03-29, 3:28 pm
