بوست #خطير جدا جدا جدا .. #شير_فى_الخير
كلنا بنتعرض ان #الموبايل او #التاب بتاعنا يبوظ ومضطرين نوديه للناس بتوع الصيانة .. وساعات ناس تقول انها واثقه فى الشخص بتاع الصيانه اللى هى رايحاله ..
طب نركز بقى فى الكام كلمه اللى جايين ..
موبايلاتنا وتاباتنا دايما بيكون عليهم حاجات شخصيه جدا واهمها الصور والفيديوهات خصوصا للبنات ..
الناس بتقول انا ببقى واقفه جنبه وهو بيشتغل وببقى واخده بالى انه ميعملش كوبى .. ركز يا خويا منك ليها ..
البوست دا موجه ليهم ..
1- #الميمورى تتشال قبل ما تودى الموبايل او التاب ..
2- ميوصلش الحاجه بالكمبيوتر ابدااااااااااااااااا و #البلوتوث ميكونش مفتوح نهائى ..
البهوات بيبقوا عاملين حاجه من اتنين ..
1- برامج #النسخ_التلقائى واشهرها usb dumber ودى برامج متستبه عندهم بتنسخ تلقائى اى اكستيرنال ميمورى تتوصل بالجهاز سواء موب او تاب او حتى عفريت اسود .. من غير ما حتى يحرك الماوس والبرنامج بينسخ الميمورى بتاعتك زى ما هى بالضبط عنده .. علشان الآنسه اللى بتقولى ببقى واخده بالى ..
2- فيروسات الاوتورن : svchot أو ravmon ودى فيروسات بتنسخ اى اكستيرنال ميمورى تتوصل بالجهاز لمسار معين فى الدرايف c اللى عليه الويندوز .. الفيروسات دى ممكن يكون عندكم انتم شخصيا على اللابات عند الناس اللى بتعانى ان كل شويه الدرايف بتاع ال c بيتملى بصورة غريبه حتى لو بيمسحوا منه الحاجات اول باول .. ودا لان الفيروس بينسخ اى فلاشه او ميمورى تتوصل بيه للمكان دا فى ويندوز 7 .. ومعرفش ويندوز 8 بيتنسخ فين علشان متعاملتش معاه .. والبهوات بتوع الصيانه بيبقوا عارفين كدا وعارفين المسار كمان ..
c:/users/deafult/appdata
طب يا عم الحج انا عندى تاب ومش راضى ينطق خالص نهائى ودا مش عارف اشيل الميمورى بتاعته .. أهبب ايه ..
الحل دا حصل معايا شخصيا فى التاب بتاعى وايفون واحد صاحبى .. نفع معايا مش عارف هينفع معاكم او لا ..
بتوصل التاب او الايفون لمدة يكون شحن فيها كويس وبعدين بتضغط زرار الباور مع الزرار اللى بيوطى الصوت مع بععععععض ولمدة عشر ثوانى .. لو منفعش جرب الللى بيعلى الصوت ..
طب لو منطقش وعليه بلاوى خاصة ؟ .. انت ترميه فى البحر احسن ولا انه يتوصل بالجهاز .. فاهمين وللا لا ؟ ..
اللهم قد بلغت .. اللهم فاشهد
2015-04-12, 1:32 pm
