أسير الصمت ® عضو مميّز ®
رسالة sms :
عدد المساهمات : 1101 نوسا البحر :
| | قاهرتهم تختلف عن قاهرة المواطنين الغلابة | |
أستاذ عمرو دياب رجع من دبي عشان يعمل فيديو عن القاهره ...وهكذا استاذ محمد منير رجع 48 ساعه من المانيا عشان يتكلموا علي جمال القاهره
والاتنين مش طايقين يعيشوا في القاهره ....بالرغم من جمال القاهره اللي اتكلموا عنه في الفيديو
القاهره اللي بيتكلموا عنها مش هي القاهره اللي نعرفها ...مش هي الدائري بمطباته وتكسيراته ..مش هي المحور اللي واقف منذ بدء الخليقه ...مش هي السيده عيشه والسيده زينب ... مش هي مساكن الزلزال ..مش هي زحمه مدينه نصر ... مش هي لجان كوبري اكتوبر ...مش هي اسعاف القاهره اللي مابيجيش ..مش هي مستشفيات القاهره اللي مابتعالجش ..مش هي مدارس القاهره اللي من غير تعليم
القاهره اللي بيتكلموا عنها عباره عن فندق علي النيل ... في الدور ال 35 ..متصور فيه الفيديو عشان تبعد عن ضوضاء القاهره ..وعوادم القاهره ... وعن اهل القاهره
القاهره بتاعتهم غير القاهره بتاعتنا ... احنا القاهره بتاعتنا ست كبيره في السن ...وعندها ضيق نفس ...وخلقها ضيق ومش مستحملانا ... القاهره بتاعتنا مزنوقين في تجاعيد وشها .... واتوبيساتها وميكروباصتها وتكاتكها ...القاهره بتاعتنا ماشيه بمسكنات ومضاد حيوي عشان ماتقعش وتطب تموت
احنا بنعمل دعايه للقاهره اللي مش موجوده ...القاهره اللي مانعرفهاش ...
الاعلام خلاص مبقاش بيكلم الشعب ...هو مش عاوزنا ...ومابيوجهلناش كلام ...هو مدينا ضهره ... ومش مركز معانا ...هو بيقولنا من الاخر "البلد دي مش بلدكم " احنا فوق في القاهره اللي فوق اللي مش هنسمعكم فيها ...ومش هتطلعولها ... كملوا في اللي انتوا فيه يا مصرييييييييييين وسيبونا في الدور الخمسه وتلاتين smile رمز تعبيري_________________ أسير الصمت | |
|