® مدير المنتدى ®
رسالة sms :
عدد المساهمات : 11549
الاٍقامة : وراء الأفق حيث لاشئ سواى وحبيبتى
العمل : مهندس
نوسا البحر : 
 2023-04-16, 2:49 am | | الناس اللي بتشتكي من القرف اللي في مسلسل جعفر العمدة .. بغض النظر عن الانحطاط اللي فيه ..انتوا ازاي أصلا بتستحملوا تشوفوا الكائن اللي اسمه محمد رمضان .. ده شخص معدوم الحضور منطفئ الموهبة بلا كاريزما .. صفر كبير قد الجثة ..صفر في كل حاجة..لا يصلح انه يشيل مسلسل لوحده بطولة .. جهازي العصبي ما يقبلش تواجده قدامي لتلات دقايق على بعض ..بصوا كده ع الولد الجميل اللي في مسلسل تحت الوصاية ..ابن منى زكي .. مجرد طفل لا دارس تمثيل ولا نجم ولا دياولو .. لكن عينك بس تلقطه تشوف مدد .. الكاميرا واقعة في غرامه ..الموهبة دي حاجة كبيرة أوي .. فتوحات إلهية.. سر من أسرار الوهاب مفاتيحها بإيده مفيهاش تطفل ولا عافية ولا مليووون تريند .. الحياة أقصر بكتير من إننا نهدر منها وقت لرمضان و أمثاله حتى لو في سبيل رصد السيء .. توقف عن متابعة القبح .. الحياة بسيطة
[ندعوك للتسجيل في المنتدى أو التعريف بنفسك لمعاينة هذا الرابط]
خالد يوسف عنده صدمة حضارية وجودية ان الناس مش بلعاه لو شربوا مية النيل كلها وراه .. المحبة دي بتاعة ربنا إنها أشياء لا تشترى .. "لو أنفقت ما في الأرض جميعا ما ألفت بين قلوبهم" .. يعني المفروض نسفلك شريط كوليفرين عشان نهضمك .. لو أخدت بكل الأسباب .. التوفيق ده برضه بتاع ربنا ..روح شوف بأه هتعمل إيه في الحكاية دي .. أصلها سره الباتع
[ندعوك للتسجيل في المنتدى أو التعريف بنفسك لمعاينة هذا الرابط]
ملحوظة مهمة جدا عن مسلسل "الهرشة السابعة" ودي اللي خلتني أتابعه .. لغة المسلسل حقيقية وواقعية أوي وتشريحية لمشاكل الحياة الاجتماعية والنفسية لأسر الطبقة المتوسطة.. الحوار مفيهوش مبالغة ولا ابتذال ولا إهانات نهائيا حتى في الخناقات أو الشكوى ..لغة راقية وموزونة ومهندمة وده قلما يتواجد في الدراما الآن .. مفيش عري ولا تفصيلة عبء ع الخط الدرامي وده كان متسق بشكل رائع مع الصورة والكادرات والإضاءة والتمثيل.. عجبتني أوي لقطة الكاميرا "فوكس" على الغسالة اللي مكتوب عليها العمر الافتراضي سبع سنوات أثناء المواجهة بين آدم ونادين لحظة قرار الطلاق .. المسلسل رايق وصادق وبيوجه الأزواج"خاصة الأجيال الجديدة" بشكل محترم لمناطق الخلل الكبيرة اللي ممكن تخلق فقد أو انكسار في العلاقة بين الراجل والست .. كمان بيوجه كل الأطراف المحيطة بالزوجين "الآباء والأمهات والأصدقاء" ازاي يحتووا الأزمة منغير تطرف واندفاع أو تعصب وعِند أو تسخين .. تيمة الأدب والإبقاء على المسافة الآمنة للخصوصية والإنسانية والأخلاق والتقدير اللي لازم منفقدهمش حتى في أسوأ اللحظات .. مش لازم نهد كل الأركان لو سقط ركن واحد .. رصيد شريكك في الحياة لا يمكن يكون صفر إلا لو انت عايز تشوفه كده ..التغافل تسع أعشار حسن الخلق .. ازاي تحتفظ بيه مش عشان الأولاد وبس ..لكن عشان هو أكيد لديه ما يستحق الإبقاء عليه لذاته وده اللي أكدته علاقة "شريف وسلمى" بالتوازي مع علاقة "آدم ونادين" .. كل سبع سنين الإنسان وعيه بذاته وبالحياة بيتغير وانا أعتقد انه كل سنة وكل يوم فشريكك النهاردة مش هو اللي ارتبطت بيه من سنين .. النهاية رمزية لكنها عذبة وقيمة وفي الصميم .. شكرا لصناع عمل مبقناش نشوف زيه إلا نادرا .. شكرا لاحترام المشاهد
بقي أن أذكر أن رجل ذهب لعمر بن الخطاب_رضي الله عنه_ يريد طلاق زوجته لا يعيبها لكنه لا يحبها فاندهش عمر متسائلا "أتبنى البيوت على الحب وحده؟!! أين الرعاية وأين التذمم؟"
| |
| 
