للرجال فقط:
* تخيل نفسك أول ما تنزل من بيتكوا تلاقي نظرات البنات جايباك من شعرك لصوابع رجلك
* تركب تاكسي تلاقي السواقة بتعدل المراية عشان تبص علي شعر صدرك مثلا
* تركب ميكروباص تلاقي بنت جت لزقت فيك وبتتحرش بيك
* تنزل أنت وصاحبك لوحدكوا بعربيته تلفوا شوية تلاقي شلة بنات بتكسر عليكوا و بيزعقوا: ما تيجي و نجيب مليجي؟...
* تنزل تشتري حاجة وأنت بتدندن شوية مع نفسك تظهر فجأة بنت تقولك مالك ياض يا شمال
* تقف تستني حد في الشارع تلاقي بنت فتحتلك عربيتها وتقولك تعال وأديك 200 جنية فأنت تمشي بعيد عنها تكمل وراك وتقولك طب خليهم 500 أنت هاتعمللي فيها محترم
* تروح تقدم في شغل قوم البنت اللي هاتكون مديرتك تتصل بيك تقول أنت عجبتشني أوي وهاشغلك أحلي شغل و هتبقى مدير مكتبي
* بنت تتحرش بيك فأنت تشتمها تقوم بنت تانية تقولك ما تشوف لبسك يا بني
* ترجع تعيط لمامتك تقولك أصلك مهزأ الولد المحترم مابيردش ع اللي بيعاكسه
* تجيلك عروسة هبلة بس عندها شقة فأبوك يقولك وافق أحسن ما تبقي عانس
تخيلت ! ..
2013-11-14, 2:10 pm
