هتقولي ايه يا هندسه في الدستور
هقول كل خير ان شاء الله ياسيدي
-ماشي بس عاوزين نفهم هتقولي ايه علشان نعمل زيك
تعمل ذي لا يا سيدي مش عاوزاك تعمل ذي اعمل اللي انت شايفه صح
-يبقا نقول نعم
اشمعنا
-علشان الاستقرار وعلشان الاقتصاد والبلد هتبقا فل
وايه علاقه الفل بالدستور
-مش عارف بس والنعمه سنتنا هتبقا فل يا هندسه
واضح يا بني انت قريت الدستور او حد فهمهولك...
-لا حقيقي بس مش محتاجه نقراه
طب يا يابني هتقول نعم علي ايه
-هقولك يا ستي الكل بص بقا
بصيت
-المهندس عادل هيقول اه والست هدي اللي احنا كنا بنشتغل في شقتها هتقول اه والواد ابني في المدرسه قلولو نقول اه والتلفزيون كمان يا هندسه
يعني لا قريته ولا بتفهم فيه ولا حد فهمك وهتقول اه
-اه طبعا !!!هتقولي ايه بقا يا هندسه
هقول اه ياني ياما وجتها ستين نيله الي عاوزه خلف
2014-01-13, 2:07 pm
