الشباب مش ضايعين ..!عيب !.. الشباب شاطرين" جداااا ! لكن ....

2010-06-21, 12:13 pm

اكبر حاجة ممكن تغير الأنسان هي المجتمع نفسه ..

وللأسف ان الحياة بقت بالنسبة ليا زي مصاصي الدماء لأنها بتمص عمرنا

كلة وتغيرنا لناس ممكن نكون احنا زمان كانوا رمز لمخاوفنا وتجنباتنا .

مقدرش احكي عن نفسي ..، لأني في نظر

الاغلب غامض وممكن كمان غريب !

، بس كل اللى اعرفة اني كل اختلافي اني مش بشوف المآساة من وجهه

نظر بل من داخل احساسي ويمكن ده اللى خلاني متزمت في نظر

البعض بمواضيع "تافهه" .

بدون مقدمة اطول من كدة انا كل اللى حبيت اطرحة هو علامه كبيرة في

حياتي تحتها نقطة واحساسها تعجب مع مرتبة الشرف ؟ ،

وعلى فكرة هي تعجب على بعض انواع الظلم اللى مضمونة مع فائق

تحياتي واحترامي "الغباء " وطبعا" اللى بيقرا مستغرب ايه دخل الغباء

في الحكاية "هو هيجرح في خلقة ربنا ولا ايه دة ؟؟!!!!!!!!!!

عموما هو غباء فكري مش خلقي لأن دة مش اختصاصي .............،

عموما" انا هفهمك انا عايز اقول ايه بس عن طريق ذكريات

واستحملونى شوية ..

القصة الأولى :

من عشر سنين كان في شاب بيظهر في بلكونة بيت قدام بيت واحد صاحبى

في وقت محدد ،وانا كنت لسة مجرد طفل بلعب

مع اصحابي بشكل عادي جدا" ،

الشاب ده كان اسمة محمود وتقريبا" ميتجاوزش ال20 سنة من عمرة ،

كل دة كان شيء عادي ومفيش فيه فصال بس الغريب هو الشاب نفسة

مش مظهرة ، محمود كان كل يوم في وقت معين بيصرخ بصوت

مؤلم جدا" ويقول بأعلى صوت "فوقوا " ، وكنت بسمع الناس بيقولوا

عليه دايما " ((المجنون طلع !)) ويمكن انا كمان كنت بقول كدة ،

وبعد العشر سنين عديت على نفس البيت دة وكالعاده ملقيتش الشخص ده

وسألت على الولد ال((مجنون )) بس اكتشفت انه اخيرا" (مات ) !!!!،

السؤال اللى حسيتة ساعتها : ياترى هو مات من ايه .....الحزن ..

.ولا الوحدة .. ولا الألم ! ولا من اية بالظبط ؟

وياترى هو فعلا" كان مجنون ولا احنا اللى ...........................

اقولك (ربنا اعلم )

القصة التانية:

هي قصة مستمرة واعتقد انها هتستمر بالواقع

الرائع الشفاف ايلي احنا فيه :

القصة دي مش قصة شاب مصري اتربى على العز لواحدة بدون مايتجمع

معاها الأخلاق لاْ ...دي قصة شعوب عربية دماغهم في مكان وقلبهم في

النار انحرق !!، مش فاهمه اذا كان الضمير موجود ولا سافر على برة

عشان يشتغل واهو بالمرة ياخد (فيزا) الشباب مش ضايعين ..!عيب !.. الشباب شاطرين" جداااا ! لكن .... Mad2

الشباب مش ضايعين ..!عيب !.. الشباب شاطرين" جداااا ! لكن .... Mad2

اهو يمكن ربنا يسهله

ويشتغل بقى ونخلص !.ياترى هترجعوا امتى

وحشتونا بقى (انتو فين ياعم!)

في يوم من الأيام شاب سأل عميد الكلية سؤال كنت بجد نفسي اسئلة ليه ،

وعلى فكرة العميد جامد جدا" في شغلة ""مش اي حد يعني """

يعني امن دولة """"يعني فلوس """يعني منصب !!((ربنا يديه ))،

الولد قالة : هو ليه حضرتك الناس اللى هنا مش حاسين بالناس

اللى برة ؟؟(ولاد الناس يعني (اصلها جامعه خاصة )، ماشآء الله

كان الرد مفيد جدا" لدرجة اني مقدرتش امسك نفسي من الضحك لأن

سيدي العزيز رد بصوت عالي ومشجع ((مالناش دعوة بالسياسة !!))

كان نفسي اعرف احنا بندرس لية !!، زي ما العلمانية خطيئة في حق

الأسلام لأنها بتبطر الدين عن الدولة فالسياسة جزء من الدين اللى

اتبنى اصولة على سياسة الحق والنفس والمبادىء !.

آسف ان السجادة الحمراء مش موجودة لأن المخزون نفد مني

والأجمل سلوك الشباب الرائع الحقيقة مش بس مصريين على فكرة عشان

تقولي البلد والحكومة ،

ابشرك ان العالم العربي في تفوق كبير في ثلاث حاجات:

1- كيف تعامل المرأة وتحصل على قلبها

2- كيف تلف السجارة جيدا" وبالصور . :

3- كيف تصبح لا مباليا" ورائع في الطناش وتكبير الدماغ

جيل مشرق بالتفائل يخرج من المهزومين العرب ، من مصر والسعودية

والأردن والامارات والكويت والعراق وتونس ..............الخ ،

جيل يدعوا الى التفاؤل ونسيان النزاعات والحروب لأنة مشغول وابرزهم :

ابن الوزير واحلامة علمتني درس كبير جدا" لا يمكن اعملة : قالي انت

مالكش غير في المزاكرة ازاي في ناس تبقى كدة "انا مقدرش غير

(اني اروح الديسكو )،الغريبة بقى اني عمري ماشوفتو ماسك كتاب بس

الظاهر انه عبقري لأن تقديراتة كلها (ممتاز وجيد جدا" )

حكمة ربنا يامسلم !.

والفلسطيني اللى قطع قلوب الكل يوم احتلال غزة ، ماشآء الله شوفتة

بيظبط دماغة بعد البكاء بس مش بالتشجيع لاْ بالتدمير البطيء .

وبكل سرور ابشركم اني فخورجدا" بكل ده لأنه وصلنا للعالم التالت

ووصلنا للأحتلال الفكري ووصلنا للدمار الأخلاقي وخلانا مآشاء الله

نقتل ابونا وامنا وخلا الخال يرتكب االحرام في محارمة

وخلى الناس تعبد الشيطان وخلى ام الدنيا بقت نقمة في نظر ولادها

لأنهم مش عارفين يصلحوا من نفسهم ومخنوقين من ادارة فاشلة

والله اكبر رامين عليها اسم اللعنة

لسبب خارج عنها ، يمكن كمان يقترحوا يبيعوها لحد يقدرها

ويطردنا ولا حاجة !.

آسف على فكرة اني بتكلم بطريقة تضايق بس انا حدي الأدنى كمخلوق من

السكوت نفد وزي ما انا عارف كويس ان في اللى هيقرا ويقفل ويقتنع تماما"

انه اغلب كلامي مالوش اساس وفي اللى هيقرا وياخدني على اد منظوري

الضعيف وفي اللى هيقرا ويقول دي حقيقة بس مين هيعمل بيها

انا بقولك ايهما كنت فصدقني دي كلمة قولتها لأخ مسيحي محترم جدا"

كان اعترض على رأي قولتة وهو احترم رأيي لما قولتله

((إن الله لا يغير مابقوم حتى يغيروا مابأنفسهم ))

ياترى انت فين !.ولا احنا قبيلة برية ولا الكلام للجارة ومش لينا

واحنا برة الموضوع

اقولك (ربنا يرحم )!

اسف على الأطالة .......................