[center][size=18]#ضد_العنف رضوى الشربيني عاملة حلقة عن العنف الزوجي .. استمعت لقصص تدمي القلب منهم مثلا قصة لدكتورة جوزها كان بيسحلها ورغم ذلك اصطحبته معاها بره مصر وهي بتحضر الماستر بتاعها .. العامل المشترك بين كل السيدات في الحلقة للبقاء كان الخوف ع الأولاد انهم ما يتربوش بين أب وأم .. بس أكتر واحدة غاظتني هي الدكتورة رغم ان قلبي اتوجع من عياطها.. لأنها في مركز قوة علميا وعمليا وماديا واجتماعيا .. أنا بس عايزة أفهم ازاي في ست أو أم بمعنى أشمل تتخيل انها لما تعيش وتعيش ولادها مع جربوع سادي وأناني مجرد من الرجولة والآدمية إنه يؤتمن على نفسية وتربية طفل .. ازاي يا ستات تقبلوا السحل والخنوع تحت مبرر و مظلة الإنفاق أو شمل الأسرة اللي راحت في داهية أصلا من علاقة توكسيك زي دي .. انتوا يا جماعة جبتوا للمنطق جلطة ..اللي خلقك ربك مش هو واللي بيرزقك الرزاق مش هو ولو سبتي ولادك مع أب زي ده لا ربنا هيسامحك ولا ولادك نفسهم هيسامحوكي وده طبعا بعد ما تبقي حطام ومفتتة وغير مؤهلة انتِ كمان لتربية فرخة حتى .. أيا كانت الأضرار والمعاناة بعد الطلاق فهي أكيد أكرم من العيشة مع نطع مشافش راجل في حياته عشان يكون راجل ..يا شيخة اعتبريه مات وأكله قطر .. ثوري لكرامتك واحترمي اللي ربنا كرمك بيه .. بلا حقوق مرأة بلا نسوية بلا زفت .. الشخص الوحيد المكلف بالحفاظ على كرامتك هو انتِ .. انتِ نفسك بالشكل ده غير مؤتمنة على نفسك فتؤتمني على أطفال ازاي انتي هتطلعي قنابل موقوتة لأن طبعا في إعادة إنتاج للسلوك ودي قاعدة متفق عليها في علم النفس ..ازاي البني آدم يهون على نفسه ويستنى بعدها ميهونش على غيره لأن الراجل اللي بياخد بنت الناس عشان يهينها ويفرتك كيانها ده والله ما هيشم ريحة الجنة .. ربنا نفسه عنده طلاق انتم بأه معندكوش ازاي ..ربنا نفسه ما أكرهش الناس على عبادته ازاي تُكرهي روحك تعيش كده .. احنا في نخاسة كبيرة ..استقيموا يرحمكم الله .. وبتستغربوا من المصايب اللي بتطفح علينا من كل ناحية دلوقتي؟ .. ما ده نتيجة طبيعية لتربية نفسية لأمهات لا يصلحن لإدراك ألف باء حياة .. فوقوا بأه إن الله لا يحابي الأغبياء .. ده انا ابني لما يكون له أب مجرم والله لأقوله لقد ولدت كعيسى بن مريم
موضوع: 
موضوع: 
2022-11-27, 7:34 pm
